Dverse

Posted on 10. Nov, 2011 by admin in Entretainment

Ku hopi orguyo i ku un sonrisa yen di siguridat Lim Rosinda a presentá na Prensa su Zouk band ‘dVrse’.
DVrse su konstelashon ta konsisti di 7 musiko eksperensia i naturalmente sumamente talentoso.
HnlY= Hunnely Felicia. T.Sean = Quinthony Thomasa. Irsais = Urvin sluis.
Ashmar Martijn, Rayley Janga, Hubert ‘Gibi’ Lourens i Stefan Bartels-Daal.
Ku hopi profeshonalismo i sumamente entusiasma Hnly tabata kontesta tur pregunta ku a wòrdu lansa.
Hnly a enfatisá ku dVrse ta un agrupashon musikal ku hopi diversidat.
Sobra integrante di dVrse tabata un tiki timido i silensioso.
Na e momentu ku dVrse a duna su prome presentashon.
Nan timides a disparse den un frega di wowo.
Publiko presente a testiguá un ambiente diferente karga ku ritmo i sabor ku dVrse a ofrese.
T.Sean a demostrá un bes mas ku e tin tur kos bou di kontròl na momentu ku e tabata kanta e piesa “Show me bo love” .
T. Sean a zoya su cintura lentamente ku pashon pa musika.
Irsais i Hnly no a keda atras, nan tambe a zoya nan cintura den un forma kordina.
Di e forma aki huntu nan laga e públiko sinti e sabor diferente di dVrse.
Na momentu ku e rueda di prensa a kulmina bo por a nota ku tur hende a disfruta.
DVrse ta un agrupashon ku sigur ta kla pa destaka i marka historia den mundu di farandula.
Nos ta desea dVrse tur klase di eksito den futuro.